खबर लहरिया सबकी बातें केतना सर्वेक्षण कयल जतई

केतना सर्वेक्षण कयल जतई

आई देश तरक्की कर रहल हई। लेकिन एई के लेल बिजली जरुरी हई। लेकिन एकर हालत एतना लचर हई कि कही ट्रांसफामर जल जाई छई त कही चोरी हो जाई छई। अब एकर हालत सुधारे के लेल बी.डी.ओ. अउर सी.ओ. सर्वेक्षण कर रहल छथिन। सीतामढ़ी अउर शिवहर जिला में लगभग बीस ट्रांसफामर जल गेल हई अउर पच्चीस से उपर चोरी हो गेल हई। गांव में तार लगल हय त कही खाली पोल। कनेक्सन के लेल लोग तरस रहल छथिन। 2012 तक हर गांव में बिजली के कनेक्सन दे देवे के रहई, लेकिन इ योजना अधुरा रहगेलई। एकर समय बढ़ा के 2014 तक कर देल गेलईय। अई समस्या के समाधान के लेल बी.डी.ओ. अउर सी.ओ. के सर्वेक्षण से कथी होतई इ त आवे वाला समय ही बततई। कि आवे वाला समय में लोग के बिजली के समस्या न झेले परतई? या ई सर्वेक्षण भी अईसहीये रह जतई? लोग के घर में बिजली जलतई या अन्धेरा रहतई।