खबर लहरिया चित्रकूट कूडा का ढेर, बीमारी का बोलावा

कूडा का ढेर, बीमारी का बोलावा

2जिला चित्रकूट, ब्लाक कर्वी, कस्बा शिवरामपुर। हिंया सफाई कर्मी तीन हवै, पै उंई छह महीना से सफाई नहीं करत।
कस्बा कृष्ण कुमार अउर संतोष का कहब हवै कि सफाई कर्मी सफाई नहीं करत। कस्बा मा रोड के किनारे कूड़ा का ढेर लाग हवै। यहै से गंदगी रहत हवै। गन्दगी के कारन बीमारी का डेर बना रहत हवै।
प्रधान शिवबरन कपडि़या का कहब हवै कि सफाई कर्मी संजय ,रमेश अउर संजय सफाई कर्मी हवैं। 11 नवम्बर 2014 का रमेश के ड्यूटी सुनारन टोला के प्राथमिक स्कूल मा सफाई करैं खातिर लगा दीनगे रहैं वहिके बदले मा संजय कस्बा मा सफाई करिस रहैं । सफाई कर्मी रमेश कहिस कि कर्वी से सुबेरे छह बजे रोजै शिवरामपुर जात हौं अउर सफाई करत हौं। मेन रोड परत हवै। यहै से गंदगी होइ जात हवै। जिला पंचायती राज अधिकारी हरि सहाय कहिन कि मड़ई लिखित दें तौ सफाई कर्मी के जांच कराई जईं