समस्या बतबइत सोमरीया देवी
जिला सीतामढ़ी, प्रखण्ड, पंचायत बथनाहा पूर्वी, गांव चैधरी टोला, वार्ड नम्बर पांच। इहां के शोनफी पासवान के लगभग बीस साल से कुष्ट रोग हई। लेकिन इनका कम्बल न मिललई।
इनकर पत्नी सोमरिया देवी कहलथिन कि हम सुनली कि प्रखण्ड में सब कुष्ट रोगी के सरकार कम्बल देलथिन। लेकिन हम बहुत गरीब छी पुलिस्टर के साड़ी के खेन्हा ओढ़ के पोआल पर सुतई छी। लेकिन हमरा घर वाला के कहां कम्बल मिललई। एक त बुढ़ापा के शरीर हई ओही में बीस साल से बिमारी हई लेकिन लाभ न मिलल।
प्रखण्ड विकास पदाधिकारी वसंत कुमार सिंह कहलथिन कि अभी तक मात्र सात कुष्ट रोगी के ही कम्बल वितरण भेलई। सब पंचायत मिलाके प्रखण्ड में चालीस कुष्ट रोगी के हमरा पास लिस्ट हई। त हम चाहई छी कि उहे लोग के दे दी। लेकिन उ प्रखण्ड में अईथिन त उनका भी कम्बल देबई।