खबर लहरिया ताजा खबरें कुपोषित बच्चन से भरा एन.आर.सी

कुपोषित बच्चन से भरा एन.आर.सी

Exif_JPEG_420 जिला बांदा। उत्तर प्रदेश सरकार कुपोषण दूर करैं खातिर कइयौतान के स्वास्थ्य अउर खान पान के व्यवस्था करत है। यहिके बाद भी जिले मा कुपोषण के शिकार बच्चन से जिला अस्पताल का एन.आर.सी. वार्ड बच्चन से हमेशा भरा नजर आवत है।
महुआ ब्लाक के गांव मनीपुर के रामलली कहिस कि मोर 10 महीना के दूनौ बच्चा हैं एक साथ भे रहै, पै यतने कमजोर हैं कि बइठ तक नहीं पावत आय। या मारे 24 मई से हेंया भर्ती करे हौं। अब जा के उनके शरीर मा कुछ बदलाव देखान है।
बबेरू ब्लाक, गांव अनमान के बिनीता के 8 महीना का बच्चा है 7 दिन से एनआरसी मा भर्ती करे है। वहिका कहब है कि मोर बच्चा आयुष कमजोर है। सोचत हौं कि केतनी जल्दी ठीक होई के बइठैं लागै।
एन.आर.सी. के स्टाप नर्स सुरवी गुप्ता कहिस कि कुपोषण के शिकार बच्चन का अंडा, दूध, फल खाना सबै दीन जात है अउर जउन लोग बच्चन के साथै मा आवत हैं। उनका खाना अउर पचास रूपिया रोज दीन जात है। पहिले सौ रूपिया दें का नियम रहै, पै खाना लोग अपने से खात रहैं। या मारे या साल अप्रैल 2016 के नये जीओ मा शासन स्तर से पचास रुपिया रोज अउर खाना दें का नियम आवा है।

रिपोर्टर – गीता