खबर लहरिया चित्रकूट कुआं मा कादौ, पियास कसत बुझावैं

कुआं मा कादौ, पियास कसत बुझावैं

Exif_JPEG_420चित्रकूट जिला, मऊ, गांव बरगढ़ बसोर टोला के मड़ई कहिन कि दुइ महीना से कुआं  मा कांदौ भरा हवै। यहिसे पियै खातिर पानी का हिंया हुंवा भटकै का परत हवै। कुआं के सफाई करवावै खातिर प्रधान सकुन से 2 अप्रैल का कहा गा। यहिके बाद अबै हाल मा 2 मई का कहागा पै कुंआ के सफाई नहीं भे आय।
बिट्टन अउर ननकई का कहब हवै कि हमरे बस्ती मा लगभग पचास घरन मा पियै खातिर पानी के समस्या हवै। हमरे हिंया एकौ हैण्डपम्प नहीं लाग हवै। एक कुआं हवै वहौ मा कादौ भरा हवै। यहिसे पियै खातिर पानी लें लगभग आधा किलो मीटर दूर जाये का परत हवै। हिंया मड़ई अउर जानवर दूनौ पानी का तरसत हवै।
प्रधान सकुन से बात करै के कोशिश कीन गे, पै बात नहीं भे आय।
सचिव रामलाल मिश्रा का कहब हवै कि बीस दिन के भीतर कुआं के सफाई करवा दीन जइ्र। यहिसे पहिले एक साल पहिले कुआं के सफाई करवाई गे रहै।

रिपोर्टर – तबस्सुम और सुनीता देवी