खबर लहरिया चित्रकूट कुंआ मा भरा कांदौ

कुंआ मा भरा कांदौ

Ram nAGAR copyजिला चित्रकूट, ब्लाक रामनगर,कस्बा रामनगर, कालोनी बस्ती। हिंया के मड़इन का आरोप हवै कि बस्ती मा लगभग सौ घर हवैं। येत्ती आबादी होय के बादौ हैण्डपम्प एकौ नहीं लाग। कुंआ के सफाई नहीं भे। यहिसे कुंआ का पानी पियै लायक नहीं आय।
बस्ती के विभा देवी,रानी अउर माया देवी का कहब हवैं कि पहिले कुंआ से पानी भर के निस्तार करत रहेन, पै एक साल से वहौं गंदगी से भरा हवैं। कुंआ के सफाई करवावै खातिर प्रधान राजकरन अउर ब्लाक मा 15 फरवरी का कहा गा पै वा अबै तक कुंआ के सफाई नहीं करवाइस हवैं दूसर बात बस्ती मा एकौ हैण्डपम्प भी नहीं लाग हवै यहिसे पिये खातिर पानी भरै रोड के किनारे लगभग एक किलो मीटर दूर जाये का परत हवै। अगर कुंआ के सफाई होइ जाये अउर एक हैण्डपम्प लाग जाये तौ पानी के समस्या से न जूझै का परै।
रामनगर ब्लाक के ए.डी.ओ.चन्द्र भान गुप्ता का कहब हवैं कि वा गांव मा अबै शौचालय बनै का काम चालू हवैं शौचालय बन के तैयार होइ जई तौ प्रधान राजकरन से कहिके कुंआ के सफाई करवावै खातिर कहा जई।