खबर लहरिया फैजाबाद काहे नाय हुवत फ्री मा इलाज

काहे नाय हुवत फ्री मा इलाज

13-02-14 Mahila mudda asptalफैजाबाद हुवय या अम्बेडकर नगर हर जगह के सरकारी अस्पताल मा मुफ्त इलाज हुआथै। लकिन फिर भी वहिंकै डाक्टर बिना पैसा इलाज नाय करतिन। अब यका सरकारी नियम कै उलंद्यन कहा जाए या फिर डाक्टरन कै लापरवाही।
अक्सर सुनै मा आवाथै कि दवा बाहर से लिखी जाथै या फिर अल्ट्रासाउण्ड भी करावै का बाहर से लिख दियाथिन। जबकि मरीज ई आस लइके आवाथिन कि अस्पताल मा फ्री सुविधा मिले। ज्यादा पैसा न खर्च करै का परे। लकिन जब सरकारी अस्पताल मा जाथिन तौ वकै उल्टा देखै का मिलाथै। कभौं मरीजन का दवा बाहर से लिख दीन जाये तौ कभौ अल्ट्रासाउण्ड के ताई फीस मांगा जाथै। अगर मरीजन के पास पैसा ना रहै तौ वापस जाए का पराथै। कुछ मरीजन कै आरोप बाय कि 26 सितम्बर का सौ रूप्या न हुवय के कारण अयोध्या श्रीराम अस्पताल मा अल्ट्रासाउण्ड नाय भै। जबकि बोर्ड मा अल्ट्रासाउण्ड फ्री बाय। जवन मरीजन का जानकारी बाय वकरे बारे मा मरीजन से पैसा लिया जाये तौ मरीज कवन मेर इलाज करइहै। अगर यहि प्रकार कै दिक्कत आवाथै अउर मरीज डाक्टर से षिकायत कराथिन तौ डाक्टरन का जल्दी कार्यवाही करै का चाही। जेसे मरीजन का सही इलाज अउर सुविधा मिलै।