काहे नाय मिलत मेहरारू का काम

जिला फैजाबाद ब्लाक मया गांव राजापुर सरैया। हिंआ एक साल से महात्मा गावं स्वारोजगार गारन्टी योजना के तहत काम बन्द बाय।
श्यामादेबी जयापर्दा अन्तिमा बताइन कि साल से ज्यादा होत बाय। हमरे सबका काम नाय मिलत बाय का मेहरारू काम नाय करती जब काम खातिर प्रधान अउर रोजगार से माग किन जा थैं तौ कुछ ना कुछ बहाना लगाय दिया थिन कहु पानी भरा बाय। तौ कहियो बजट ना आय बाय।
विजय लछू सुमन बताइन कि 20 जून 2013 से चकरोट कै पटाई कै काम हुअत जेहमन खाली मनई काम कराथै। आखिर जे मेहरारू घर मुखिया बाय पूरा घर कै खर्चा चलावाथै वे शहर मा कमाय नाय जाय सकतिन तौ उन्है इहै सहारा बाय तौ उन्है काम नाय मिले से बहुतै परेशानी उठावै का परत बाय।
प्रधान संतराम बताइन कि यहि समय चकरोट कै पटाई होत बाय। खेते मा से माटी फरूहा से चकरोट पै बहावै का पराथै। यहि से समय मेहरारू का काम नाय मिलत बाय।