खबर लहरिया चित्रकूट काम मा वापस लीन जाये

काम मा वापस लीन जाये

sichai bibhag taza

जेई करत धरना प्रदर्शन

जिला चित्रकूट, ब्लाक कर्वी, सिंचाई विभाग। हिंया के जूनियर इंजीनियर 22 जुलाई 2013 से काम बंद कीने हवैं। काहे से कि 9 जुलाई 2013 का लखनऊ से कैबिनट मंत्री शिवपाल आय रहैं। उंई बांदा जिला के सात जेई अउर तीन सहायक अभियन्ता का निलम्बित कइ दिहिन हवैं।
कर्वी सिंचाई विभाग के जूनियर इंजीनियर रामप्रकाश, रामकैलाश अउर ज्ञान प्रकाश का कहब हवै-“हमार दस साथिन का काम मा वापस लीन जाये नहीं तौ हम यहिनतान विभाग के भीतर काम बन्द कीने बइठे रहिबे। मंत्री येत्ती जल्दी कसत सबै काम देख लिहिन। उनका जांच करावैं का रहै। बांदा के मार्जनल बांध अउर निम्नी नाला के सही से जांच होय का चाही अउर विभाग से जुड़े दस लोगन का निलम्बन लउटा लीन जाये। नहीं तौ पूर बुन्देलखण्ड के जूनियर इंजीनियर झांसी मंडल के मुख्य कार्यालय मा अनशन करिबे।”
कर्वी सिंचाई विभाग के बाबू कैलाश कहिन-“यहिके खातिर कुछौ नहीं कीन जा सकत हवै। इं लोग मंत्री के लगे ज्ञापन भेजैं। हुंवा से कुछ होइ सकत हवै।”