जिला चित्रकूट, ब्लाक मऊके गांव गोइयापुर का नीरज उमर 19 साल का रहै अउर दुकान खोलै जात रहै जेहिका ओवरलोड ट्रक से कुचल दिहिन गा हवै।
पड़ोसी ब्रह्म बाबा पाण्डेय का कहब हवै कि घर से दुकाने जात रहै तौ आवत ट्रक वहिका टक्कर मार रौंद दिहिस हवै। या घटना सुअरहा चौराहा के पहिले भे हवै। इतनी भयंकर दर्घटना पहिले नहीं भे आय। छोट मोट बहुते घटना होत रहै।
महतारी दुर्गा देवी बताइस हवै कि गोइया से बरगढ़दुकान जात रहै, तौ सुअरहा चौराहा मा एक्सीडेंट होइगा हवै।
दीवान बरगढ़ थाना, इन्द्रपाल का कहब हवै कि 42/18, धारा 289,304 आईपीसी के तहत मुकदमा पंजीकृत भा हवै। मउके मा जाके नीरज पुत्र अयोध्या प्रसाद सेन उमर 19 वर्ष का पंचनामा कइके पोस्टमार्टम का भेज दीन गा हवै। गाड़ी मउके मा हवै ड्राइवर भाग गा हवै। गाड़ी नंबर यूपी 9680,9087 हवै।जांच के बाद तत्काल कार्यवाही कीन जई।
रिपोर्टर: सुनीता देवी
Published on May 7, 2018
