टूट चरही
जिला चित्रकूट, ब्लाक कर्वी, गांव कर्वी माफी, चमड़ामण्डी। हिंया के हैण्डपम्प के चरही एक बरस से टूट हवै। यहै कारन गंदा पानी भरा रहत हवै। या समस्या से लगभग पच्चीस घर का मड़ई परेशान हवैं चरही बनावैं खातिर कइयौ दरकी प्रधान कल्लू से कहा गा, पै वा ध्यान नहीं देत आय।
हिंया के आशा अउर दुजिया समेत पांच लोगन का कहब हवै कि हैण्डपम्प के लगे बारह महीना गंदा पानी भरा रहत हवै। यहै से पानी भरै खातिर डिब्बा अउर बाल्टी मा कांदौ लाग जात हवै। कत्तौ कत्तौ हैण्डपम्प से गंदा पानी आवत हवै। गंदा पानी पियै से बच्चन के फोडि़या फुंसी निकरत हवंै। दूसर हैण्डपम्प अउर कुंआ नहींे आय कि अउर कत्तौ से पानी भर सकैं। अगर हैण्डपम्प के चरही बन जाये तौ इं समस्यन से न जूझै का परी। हैण्डपम्प के चरही बनब बहुतै जरूरी हवै।
प्रधान कल्लू का कहब हवै कि अबै तक मोहिका पता नहीं रहै कि हैण्डपम्प के चरही टूट गे हवै। अब पता होइगा हवै तौ हैण्डपम्प के चरही बनवा दीन जई।