कहिया मिलतई काम

जिला शिवहर, प्रखण्ड तरियानी, गांव दस्तारा। इहां के लोग के कहना हई कि हमरा सब के मनरेगा के तहत काम न मिल रहल हय।
इहां के लोग कहलथिन कि हमरा सब के पिछले साल ही मिट्टी भराई में चार-पांच दिन के काम मिलल रहे। ओई के बाद आई तक हमरा सब के कोनो काम न मिल रहल हय। हम सब गरीब आदमी कमबई न त खबई कहां से? मनरेगा के तहत लोग के काम मिलई छई लेकिन ऐई गांव में कोई काम होईये न रहल हई।
कार्यक्रम पदाधिकारी अजय सहाय कहलथिन कि ओई पंचायत के कार्यकर्ता के लगभग आठ महिना पहिले गोली लग गेलई। जई कारण ओई पंचायत में काम रुक गेलई। अब पंचायत में छोट-छोट योजना चलतई जेईके तहत लोग के काम देल जतई।