खबर लहरिया बाँदा कहां तक टैंकरन से होई पानी के पूर्ती

कहां तक टैंकरन से होई पानी के पूर्ती

pani samasya baber_ kasbaजिला बांदा, कस्बा बबेरू। हेंया लाग सप्लाई वाले पानी के नलकूपन के वाटर लेबल कम होय से कस्बा मा पानी के हा-हा कार मची है। लोगन के पानी का व्यवस्था करैं खातिर नगर पंचायत अउर जल संस्थान विभाग पूरे कस्बा मा 25 टैंकर लगाये है।
कस्बा मा रहैं वाले मौनिक गुप्ता, राजा, संजय बाबू खान अउर आशीष का कहब है कि हमरे हेंया लाग 140 फिट गहराई के नलकूपन के पानी का वाटर लेबल बहुतै नीचे चला गा है। एक टैंकर पानी एक मोहल्ला मा विभाग कइत से भेजा जात है तौ वोतने पानी मा पूर मोहल्ला के लोगन का खर्च नहीं पूज पावत आय। काहे से नहाये, कपड़ा धोवैं, पियैं अउर घर खर्च मा बहुतै पानी का खर्चा है। अगर पानी का यहै हाल रहा तौ हम लोगन का जियब मुश्किल होई जई। यहिसे विभाग का चाही कि जेतना जल्दी होई सकै। नलकूप सही करावैं नहीं मड़ई बहुतै परेशान होई जई।
नगर पंचायत बबेरू के लिपिक बाबू विजय पाल सिंह का कहब है कि खुदाई चालू है अउर गहराई से पाइप डाले जइहैं अउर पानी के व्यवस्था कीन जई। अब पानी खातिर नगर पलिका कइत से 2 टैंकर अउर जल निगम से 23 टैंकर पानी पूरे कस्बा मा भेजा जात है।