खबर लहरिया फैजाबाद करोड़न कै बनीं पानी कै टंकी बेकार

करोड़न कै बनीं पानी कै टंकी बेकार

Pura Bazar - Tanki webजिला फैजाबाद, ब्लाक पूराबाजार, कस्बा दर्शननगर। हिंआ एक करोड़ अट्ठारह लाख कै बनीं पानी कै टंकी चालू न हुवय से बेकार परी बाय। जेसे लगभग आठ पुरवा के मनइन का पानी कै दिक्कत बाय।

बाजार कै मनई रामकिशोरए देवतादीनए संतोष बताइन कि यतनी लागत से बनीं पानी कै टंकी चालू नाय भै बाय। सिर्फ देखै के ताई बनवाई गै बाय। गर्मी हुवय चाहे ठण्डीए पानी कै हमेशा जरूरत रहाथै। अगर टंकी चालू हुवय तौ कउनौ परेशानी न हुवत। यही की ताई यतना बड़े कस्बा मा पानी कै टंकी लाग।

प्रधान राधेश्याम बताइन कि तीन साल से पानी कै टंकी बनत बाय। अबहीं तक पूरा नाय भै। जबकि जलनिगम से एग्रीमेंट डेढ़ साल पहिले कै गै रहा। यहि टंकी से दर्शननगर बाजारए पुजारी का पुरवाए कुढ़ा केशवपुरए वैतरणीए बंधवाए विजुलिया डीहए गोडियाना निधान का पुरवाए विद्युत कालोनी जैसे गंाव मा सुविधा मिले। अब धीरे.धीरे कनेक्शन कीन जात बाय। एक बार मा कनेक्शन के ताई पांच सौ लिया जाये। हर महीना बीस रुपया अउर लै जाये।

जल निगम कै अधिशाषी अभियंता रामनयन बताइन कि पानी कै टंकी तैयार होय गै बाय। घर-घर कनेक्शन कीन जात बाय। जवन प्रधान द्वारा हुअत बाय। पूरा हुवय के बाद टंकी चालू होये।