जिला फैजाबाद, ब्लाक पूराबाजार, गांव मक्खापुर। हिंआ 6 अगस्त का करंट लागे से साठ साल कै सीतापति कै मउत होय गै अउर दुई गेदहारे झुलस गईन।
गांव वाले कै आरोप बाय कि कुछ दिन पहिले पावर कार्पोरेशन के कर्मी हिंआ आय कै एक केबल से कहुठी कनेक्शन करे रहे। वकरे बाद कुछ दिन चला फिर तीन दिन पहिले केबल टूट कै गिर गै। केबल मा करंट आवै लाग रहा। हमरे सब दर्शन नगर उपकेन्द्र पै शिकायत करेन लकिन सुनवाई नाय भै।
मृतक सीतापति कै चचेरा भाई मंशाराम बताइन कि 6 अगस्त का कटीला तार उठाय कै किनारे रखे लागिन। अउर केबल मा करंट आवत रहा वही कै चपेट मा आयके सीतापति कै मउत होय गै। अउर दुई गेदहारे आठ साल के चचंल पन्द्रह साल कै खूशबू भी करंट के चपेट मा आय गइन गंाव कै मनई देखिन तौ छोड़ाईन। दुइनौ गेदहारे करंट से झुलस गै बाटिन।
रानोपाली चैकी प्रभारी हौंसला यादव बताइन कि मृतक सीतापति के चचेरे भाई मंशाराम कै तहरीर पै दर्शन नगर उपकेन्द्र के अवर अभियन्ता रामजनम वर्मा कै खिलाफ धारा 289ब, 304ए (लापरवाही कै कारण मउत) भारतीय दण्ड विधान के तहत रिपोर्ट दर्ज कीन गै बाय। जांच कीन जात बाय।