कनेक्शन करायें ओर डी.पी. धरायें की मांग

शाहपहाड़ी गाव खे आदमी

जिला महोबा, ब्लाक कबरई गांव शाहपहाड़ी। एते के आदमी बिजली के कनेक्शन कराये ओर डी.पी. धरायें के लाने छह महीना से बिजली विभाग के चक्कर लगाउत हें, पे विभाग वाले कोनऊ ध्यान नई देत हें। हेमवती ने बताओ कि हम कनेक्शन कराउन चाहत हंे। काय से हम पांच भाई-बहन पढ़त हंे। बिजली बिना हमाई पढ़ई नई हो पाउत आय।
रत्तू ने बताओ कि दलित मोहल्ला में एक डी.पी. हे। जीमे 45 कनेक्शन हें। ई मोहल्ला में पन्द्रह आदमी हें जोन कनेक्शन लेय खा विभाग के चक्कर लगाउत हें।
एई से हम चाहत हें कि हमाये कनेक्शन हो जाये ओर एक अलग से डी.पी. धर जाये। जीसे बिजली की ज्यादा परेशानी न होय। ईखे लाने हमने केऊ दइयां महोबा बिजली विभाग में कहो हे। ंएई से हमने 5 अगस्त 2014 खा महोबा तहसील दिवस में दरखास देके कनेक्शन ओर नई डी.पी. धरायें की मांग करी हे, पे अभे तक कछू सुनवाई नई भई हे।
बिजली विभाग के जेई एम.पी. सिंह ने बताओ कि हमाये एते तहसील दिवस की कोनऊ दरखास नई आई आय। गांव के आदमी हमाये एते आके पेहले कनेक्शन कराये। कनेक्शन होय के बाद ओते नई डी.पी धराई जेहे।