ए.एन.एम. सेन्टर न हुवय से दिक्कत बढ़ी

जिला फैजाबाद, ब्लाक पूराबाजार, ग्राम पंचायत ऐमी आलापुर। हिंआ गर्भवती मेहरारून का जांच प्रसव करावै मा दिक्कत हुआथै। यही ग्राम पंचायत मा ए.एन.एम. सेन्टर नाय बना बाय। यहीसे प्रसव के ताई ब्लाक पै सामुदायिक स्वास्थ्य केन्द्र आवै का पराथै।
दुर्गावती, सीता बताइन कि हमरे सब का अगर कउनौ जांच करावै का हुआथै तौ सामुदायिक स्वास्थ्य केन्द्र जाय का पराथै। हिंआ कंहु ए.एन.एम. सेन्टर नाय बना बाय। यही हमरे सब का परेशानी हुआथै।
महिमा बताइन कि हम गर्भवती रहेन तौ हर महीना जांच के ताई जाय का परत रहा। एक तौ इधर से जल्दी सवारी नाय मिलत अगर कउनौ एमरजेंसी रहै तौ मनई मर जाय लकिन आवे जाये कै की ताई सवारी नाय मिल सकत। हमार प्रसव जब भै तौ हम अपने सवारी से गै रहेन। यही गंाव मा ए.एन.एम सेन्टर बनवाय दिये। लकिन अबहीं तक नाय बना।
प्रधान मीरा देवी बताइन कि हम चाहीथी कि हिंआ ए.एन.एम. सेन्टर बन जाय। हिंआ कै मेहरारून का बहुत परेशानी हुआथै यहीसे हम ए.एन.एम. सेन्टर कै प्रस्ताव लगभग दुई महीना पहिले जिला पै भेज दिहे बाटेन। अब जांच आये फिर बनवाय जाय।
सी.एम.ओ. राधेश्याम बताइन कि 11 सेन्टर कै पैसा आय गै बाय। जहां नाय बाय जल्दी बनब शुरु होये।