खबर लहरिया पानी और स्वच्छता एस.डी.एम. तक शिकायत के बाद भी नहीं बना हैण्डपम्प, फैजाबाद के वनघुसरा गांव की हालत

एस.डी.एम. तक शिकायत के बाद भी नहीं बना हैण्डपम्प, फैजाबाद के वनघुसरा गांव की हालत

जिला फैजाबाद, ब्लाक तारुन, गाँव बनघुसरा मा करीब पांच महीना से आवत बाय गन्दा पानी। कइव बार शिकायत के बाद भी सुनवाई नाय भए।
पंकज मिश्रा बताइन की ई हैंडपम्प अक्टूबर महीना से ख़राब बाय। विधायक, एडीओ पंचायत अउर प्रधान सबके पास शिकायत करेन लकिन सुनवाई नाय भए। चंपा देवी कै कहब बाय की आठ घर कै मनई यही हैंडपम्प से पानी पियत रहे। विपिन मिश्रा कै कहब बाय कि आवाथे सिर्फ बोतल मा पानी भरिके लेके चला जाथे। दिनेश तिवारी बताइन कि ई पानी कपड़ा धोवै, बर्तन साफ करै अउर जानवरन का पानी पियावै के काम आवाथै। के रोज अपने हैंडपम्प से पानी भरै दे, अबहीं तक सरकार के तरफ से बजट नाय आय।
अशोक कुमार वर्मा एडीओ पंचायत बताइन की हम देखवाय लियब अगर रिबोर हुवय का होए तौ ज्यादा टाइम लागे अउर छोट कमी होये तौ एक दुई दिन मा होय जाये। जेई जब रिपोर्ट लगाये तौ हम मानब।

रिपोर्टर-कुमकुम यादव 

Published on Feb 28, 2018