एक शाम किसानन के नाम

जिला बांदा। अन्नदाता कि आखत नाम से 20 दिसंबर का मंगलम मैरिज हाल मा एक कार्यक्रम कीन गा। कइयौ किसानन का आत्महत्या करे किसानन का सम्मानित कीन गा। या कार्यक्रम के खास आकर्षक का केन्द्र नेपाल के हिरोदून राय कल्पना रही।
कार्यक्रम आयोजित करैं वाले प्रवास सोसाइटी के आशीष सागर का कहब है कि लगातार बुन्देलखण्ड के किसान आत्महत्याा करत जात है, पै उनका सरकार कइत से कउनौ मदद नहीं दीन जात आय। किसानन के मद्द करैं खातिर कुछ लोगन से रूपिया के मद्द मांगी गे है। या मद्द का किसानन के हाथ सौपां गा है। जउन किसान परिवार का मदद दीन गे उनके नाम इनतान हैं।
नाम गांव ब्लाक
रामादेवी गौरीकलां जसपुरा
बिट्टन षाहपाटन नरैनी
रूखसाना षेखन पुरवा महुआ
बैजू बरसडामानपुर नरैनी
संजय जमालपुर बडोखर
पूनम मृतक किसान के बच्चे मवई
हिरोइन रायल कल्पना अपने का किसान के दुख मा शामिल होय के बात कहिस। साथै मद्द करैं का भी कहिस है। किसानन का दान दें वालेन मा बांदा के डाक्टर व्यापारी चेयरमैन अउर मसौनी के प्रधान शामिल हैं। कुछ आम लोग भी दान दिहिन हैं।