बाराबंकी के भिखारी के पुरवा गाँव में लग रहे हैं खम्बे, आशा है बिजली भी आ जाएगी!

जिला बाराबंकी, गाँव भिखारी का पुरवा सरकारी सुविधा अउर विकास से दूर भिखारी का पुरवा मा मनई अब तक चिराग जलाय के काम करत रहे। तीन पीढ़ी के बाद एहि गाँव मा बिजली लागत बाय जेसे मनई खुश अउर उत्सुक बाटे।
भिखारी का पुरवा के सोनू कै कहब बाय कि चारव तरफ अधियार रहत रहा। कोटेदार खिया शुद्ध तेल नाय मिलत रहा कबहू एक लीटर कबहू दुई लीटर वसे पूर नाय परत रहा।अब बिजली भी लग जात बाय तौ सब काम होय जाये।
राज कुमारी कै कहब बाय की रात मा जल्दी उठिके काम करै का परत रहा।तबौ अँधेरे के कारण काम मा देर होय जात रही। अब हमै काफी खुशी बाय की उजाला मा काम कै पाउब। अउर हमार गेदहरै समय से स्कूल जइहैं।
प्रधान दुजई कै कहब बाय की तीन पीढ़ी बाद एहि गाँव माँ बिजली लागत बाय।6 फरवरी से एहि गाँव मां खम्भा लागत बाय।बिजली विभाग अधिकारी आर.एस. भास्कर कै कहब बाय कि राजीव गांधी विद्युतीकरण योजना के तहत खम्भा लागत बाय। जवन वर्तमान मा दीनदयाल ज्योति योजना के नाम से जाना जाथै।लगभग काम पूरा होय चुका बाय। कनेक्शन पूरा होतै बिजली आय जाये।

रिपोर्टर- नसरीन

16/02/2017 को प्रकाशित