खबर लहरिया सीतामढ़ी आवेदन देथिन त राशी मिलतई

आवेदन देथिन त राशी मिलतई

kl

ऐना बनई छई खाना

जिला शिवहर, प्रखण्ड तरियानी ,पंचायत बेलहियां राजकीय मध्य विद्यालय खाजेपुर। इहां मध्यान भोजन चल रहल हई लेकिन बर्तन कम रहे के कारण रसोइया के खाना बनावे में बहुत दिक्कत हो रहल हइ। जबकि ऐइ विद्यालय में बच्चों के कुल नामांकन पांच सौ पच्चास अउर उपस्थिति चार सौ तीस हई।
ऐइ विद्यालय के विद्यार्थी सब कहलथिन कि हम सब मिनू के अनुसार खाना खाइ छी। रसोईया जोगी साह, विवेखा देवी अउर पार्वती  देवी कहलथिन कि सब दिन चार सौ तीस, साढ़े चार सौ बच्चा के खाना बनई छई। जइसे कि चावल एक से दु बेर बन जतिअइ। लेकिन देकची एकेगो हई, उहो छोटे हई। ओही में पलट-पलट के तीन-चार बेर खाना बनावे के परई छइ। बाल्टीयो न हई, कठरा भी ऐकेगो हई। केतना परेशानी से खाना बनबई छी से त हमही सब जनइ छी।
प्रधानाध्यापक रतन झा कहलथिन कि बहुत पहिले बर्तन खरीदायल रहई। उ टूट-फूट गेल हई, ऐइ के लेल आवेदन देवे वाला छी सचिव साधना देवी, किरण देवी कहलथिन कि कुछ बर्तन फूट भी गेल हई, कुछ चोरी भी हो जाई छई।
प्रखण्ड स्तरीय मध्यान भोजन सुपरवाइजर प्रवीण कुमार कहलथिन कि बर्तन के लेल रुपईया न आयल हई। आवेदन देथिन त मांग कयल जतइ। जिला स्तरीय मध्यान भोजन प्रभारी
ध्रुजटी प्रसाद सिंह कहलथिन कि बर्तन के लेल रुपइया त अभी न आयल हई लेकिन पहिले के राशि बचल हई ओही में से देल जतइ लेकिन एई के लेल आवेदन देवे के पड़तई।