जिला चित्रकूट, बाँदा, फैजाबाद अउर बाराबंकी नवा साल आवत हवैं यहिका लइके के मडई बहुतै खुश हवै।आज जमाना बदल गा हवै नवा साल मनावै का अंदाज भी बदल गा हवै। पहिले मडई ग्रीटिंग दइ के एक दूसरे का एक दूसरे का मुबारक बाद देत रहै पै अब मडई वाटसैप मा सन्देश भेंजत है। डी.जे. पार्टी कइके नवा साल मनावत हवैं।
हैदरगढ बाराबंकी के लक्ष्मी नारायण का कहब हवै कि हम आपन परिवार वालेन साथै नवा साल मनइबै।
फैजाबाद के मोहम्मद अकरम का कहब हवै कि हम आपन परिवार वालेन के साथै बाहर घूमे जइबे अउर नवा साल मनाइबै। हैदरगढ के शिवानी मौर्या का कहब हवैं कि हम आपन दोस्तन के साथै नवा साल मनाइत हन।बाँदा के मीना बताइस कि हम आपन सहेलिन का ग्रीटिंग अउर मिठाई देइत हन अउर नवा साल मनाइत हन।
हैदराबाद के रमाकान्त मौर्य का कहब हवै कि पहिले बचपन मा हम आपन दोस्तन का ग्रीटिंग दइ के नवा साल मनाइत रहै। अब हमार बच्चा रात के पार्टी कइके नवा साल मनावत हवै।
रिपोर्ट- खबर लहरिया ब्यूरो
30/12/2016 को प्रकाशित
