आपन हक पाये खा लड़त मुकदमा

जिला महोबा, ब्लाक कबरई, गांव चादौं, पचपहरा। एते की कुन्जन आपन पांच बच्चन खा लेके 14 मार्च 2015 खा आई तारीख में। पूंछे से पता लगो की ऊने कित्ती मुश्बित को सामना करो हे। अब ऊ आपन हक पायें खे लाने चार महीना से आपन खाना खर्चा को मुकदमा लड़त हे।
कुन्जन ने बताओ कि तीस साल पेहले मोई शादी चरखारी के ऐंचाना गांव में हरगोविन्द के साथे भई हती। शादी के बाद से हरगोविन्द दारू पीके मोये मारन लगोे। में सब साहत रही सोचत हती, की शायद बच्चा होंय के बाद सुधर जेहे। आदमी के आलावा ससुर सीताराम भी मोये साथे गाली गलौज ओर बुरी नियत से देखन लगो। मेंने हरगोविन्द से बताओ तो ऊ कहन लगो की जेसे मोओ बाप कहत हे ऊसई कर। मे कछू नई बोली, काय से मायके मे मताई बाप कभे तक साथ देहे। चार महीना पेहले मोये ऊपर मिट्टी को तेल डार आगी लगाये देत हतो, कहत हतो कि तोये मार के मे जेल चलो जेहों। मेंने अपने बाप खा चोरी से फोन कर दओ। ऊखे भी मारो जीसे उंगली टूट गई हती। एई से आपने बच्चन खा लेके महोबा मे रहत हों ओर सोचो हों कि ससुराल न जाके एतई खाना खर्चा लेहो। आदमी हरगोविन्द कहत हे कि मे ऊखे साथे मारपीट नई करत हों। ऊ झूठ बोलत हे। दारू कभऊं पी लेत हों।