जिला चित्रकूट, ब्लाक कर्वी, गांव रानीपुर भट्ट, दुर्गादास का पुरवा। हिंया के मैना नाम के औरत कहिस कि तीस घर के बीच एक हैण्डपम्प लाग रहै। वहौ साल भर से बिगड़ा हवै। हैण्डपम्प बनवावंै खातिर ब्लाक मा 28 जुलाई का लिखित दरखास दिहिन, पै कउनौ ध्यान नही दीन गा।
पुरवा के कंचन अउर नरेन्द्र का कहब हवै कि बूंद बूंद पियै खातिर पानी का तरसित हन। लगभग आधा किलो मीटर दूर कंुआ मा लाग हैण्डपम्प से पानी भरै जइत हन। हम लोग जानवर पाले हन। उनका पियै खातिर पानी ज्यादा लागत हवै। मड़ई तौ कउनौतान पानी लई आवत हवै, पै जानवर पियासे हिंया हंुवा फिरत रहत हवंै। अगर हैण्डपम्प बन जाये तौ हमार इं सबै समस्या खतम होइ सकत हवंै ।
कर्वी ब्लाक के ए.डी.ओ. कहिन कि लिखित मिली हवै। हैण्डपम्प सात दिन के भीतर सुधरा दीन जई।