खबर लहरिया फैजाबाद आठ घर जरिगा

आठ घर जरिगा

gavn aag fainal

जिला फैजाबाद, ब्लाक पूराबाजार,गाँव  सरायरासी। हिंआ 8 अप्रैल 2013 का आठ जने कै घर जरिगा। जगदेव, नवमी, धर्मराज, रामधन, रामजनम, सुन्दर, मोहनलाल, अउर प्रहाद बताइन कि हमार घर जरि गै बाय। जेतना सामान घर मा रहा सब जल गवा बाय कुछ कै कुछ नाय बचा बाय अब हमरे सब कहाँ  जाई। अउर केकरे आगे हाथ फैलाई अब काव खाई काव पी रात मा हमरे सब सोवत रहेन कब आग लाग कइसे लाग कुछ पतै नाय चला। हमरे सब जल्दी से आपन मेहरारू गेदहरा लइके भागेन अउर गोहार लगायन तव गाँव वाले आग बुतावै के ताई पानी डावत रहे। लकिन सब जल गै कुछ नाय बचा।
लेखपाल जगदम्बा सिंह बताइन कि जवन नुकसान भै बाय वोकै रिपोर्ट बनाय के तहसील प्रशासन का दै दिहे हयी। प्रधान दया प्रकाश सिंह बताइन कि गाँव मा कुछ सामान दै दिया गा बाय अउर इंतिजाम करा जात बाय।