जिला महोबा को मोहल्ला नयापुरा नयकाना। एते लगी भयानक आग से सब गृहस्थी खो समान 14 मई 2013 खा जल के राख हो गओ हे। जीसे परिवार भुखमरी से तंग होके सड़कन पे आ गओ हे।
नयापुरा नयकाना मोहल्ला में रहे वाली रन्नो अहिरवार ने बताओ कि मोये घर में आगी लगी हती। जीखा 6 बजे तक आदमियन ने अपने-अपने घरन से पानी लेके आगी बुझाई हे। मोओ आदमी धरमदास बीमार रहत हे में अपने बच्चन खें मण्डी में झाड़ू लगा के अपनो परिवार चलाउत हों। मेने अपनी बिटिया सुमन खे शादी खे धरो समान ओर गृहस्थी खे साथ पांच हजार रूपइया जल खे राख हो गओ हें। पता नइया जा आग कैसे लगी । मेने तो अपने घर की परेशानी से रोटी भी न बनाई हती। मे गरीब आदमी हो मोई कोनऊ से लड़ाई नइयां, में कीखें ऊपर शक करहों।
लेखपाल गोकुल साहू ने बताओ कि मेने ओते जाके देखो हे। रिपोर्ट बना खे तहसीलदार खे दे दई हे। जल्दी ही ऊखो मुआवजा मिल जेहे।