जिला महोबा, ब्लाक कबरई, गांव अटघार। ई गांव में 6 मई खा अचानक से कूड़े के ढेर आगी लग गई हती। जीमें 32 घर गृहस्थी के साथे वाहन भी जर के राख हो गये हे। मौंके मे थाना अध्यक्ष अपर एस.पी. रामयश ओर नायब तहसीलदार कर्मवीर पोहोंच के मुआयना करो हे।
गांव के मूरत सिंह के घर के बगल मे कूड़ा को ढेर डरो हतो। जीसे कोनऊ ने कूढ़ा के ढ़ेर में आगी की चिनगारी फेक दई हती। जीसे हवा के कारन मूरत सिंह के घर में आगी लग गई। जीसे 78 हजार नगद रूपइया लगभग एक सौ पैसठ कुन्तल गेंहू ओर गृहस्थी को समान जर के राख हो गई। बगल में लाखन सिंह के खलिहान मे आगी लग गई। जीसे फसल के साथे टैªक्टर ट्राली, थे्रसर मशीन ओर टैम्पू जर के राख हो गई। सुखदेव के खलिहान में आगी लागे से दौ सौ बीघा के जमीन की लाही ओर अलसी खाक हो गई। जीमें 15 लाख को नुक्सान भओ हे। ओतई रज्जन अरख के घर मे लगभग एक लाख को नुक्सान भओ हे। ईखे साथे राजा ओर शिवशंकर को पचास-पचास हजार को नुक्सान भओ हे। चुनूबाद के मकान में धरी बाइक ओर गृहस्थी ओर सुखनन्दन कुशवाहा के तीस बीघा की आलसी की फसल भूषा जर गओ हे।