आगी लागे से लाखन की फसल बरबाद

जिला महोबा, ब्लाक कबरई, गांव इमिलिया। एते धमेन्द्र सिंह के खेत में 6 अपै्रल 2015 खा शाम 5 बजे खेत में आगी लग गई हती। आगी बुझाये के कारन धर्मेन्द्र ओर देबेन्द्र सिंह जल गओ हे। जीखो इलाज जिला अस्पताल में चलत हे।
धर्मेन्द्र बताउत हे कि हमाये दस बीघा खेत की फसलत में इक्टट्ठा खेत धरी हती। ओतई हमाई गाड़ी में खड़ी हती। अचानक से पूरी सफल मे आगी लग गई। जीखे बचाये के कारन हम दोनऊ भाई जर गये हे। ईखी सुचना हमने महोबा तहसील मे दई हती। आगी लागे से हमाओ लगभग डेढ़ लाख को नुक्सान भओ हे।
लेखपाल धर्मेन्द्र सिंह ने बताओ कि मेने मौके मे पोहोच के मुआयना करो हतो। ओर रिपोर्ट बना के तहसील में भेज दई हे। शासन के एते से आहे तो मुआवजा मिल जेहे।