खबर लहरिया ताजा खबरें आगि लागै से जरा लाखन कै सामान

आगि लागै से जरा लाखन कै सामान

Exif_JPEG_420

जिला अम्बेडकर नगर, ब्लाक कटेहरी, गांव भिउरा। हिंआ 3 जनवरी 2016 कै अज्ञात कारण से लाग आग। लाखों रूपया कै समान कै साथे एक बैल कै जरी कै मउत होई गै।
गांव कै राज किशोर, राधेश्याम, बच्चाराम गौड़ बताइन कि रात 10 बजे सब मनई सोवत रहिन। कउनौ पता नाय लाग कइये आग लाग। रात मा पड़ोसी कै एक लड़की उठी अउर देखिन आग जलत रहा तौ गोहार लगाइन जब तक सब दौड़ी के आग बुझावय कै कोशिश किहिन तब तक आग विकराल रूप धारण कै लिहिस मड़ई वाला घर जेहमा घर कै सारा सामान धरा रहा वही मा किनारे एक बैल भी बाधा रहा। आग के लपक से तड़प तड़प के जरिगै। पानी बिना आगि बुझावै मा दिक्कत नाय बाय। गांव के बगल से नदी बही बाय वहू मा पानी नाय बाय। अग्नि फायर मशीन (दमकल) एक घण्टा देर से पहुंचा । राजकिशोर गौड़ कै एक बैल, छह कुन्तल गेहू एक कुन्तल चावल आठ कुन्तल भूषा। राधेश्याम गौड़ कै 1 कुन्तल चावल, तीन कुन्तल गेहूं बीस हजार कै जाल, पचासन हजार कै कीमती लकड़ी सब जलिके रराख होइगै। बगल धरी हीरालाल गौड़ देवीलाल गौड़ के मड़ई मा पकरि लिहिस। सवेरे लेखपाल आइन जांच करिन। पशुचिकित्सालय कै डाक्टर मरा जानवर कै पोस्टमार्टम कराइन। अब देखा यकरे बाद काव हुअत थै।