खबर लहरिया चित्रकूट आकासीय बिजली ने ढाया कहर, चित्रकूट जिले के नीबी गाँव के अंतिम ने गवाई जान

आकासीय बिजली ने ढाया कहर, चित्रकूट जिले के नीबी गाँव के अंतिम ने गवाई जान

10 फरवरी के शाम तीन बजे चित्रकूट के ब्लाक मऊ गांव नीबी के बाइ साल के अंतिम के मउत होइगे हवै। कानूनगो दिनेश का कहब हवै कि अंतिम के सूचना तहसील मा हवै अउर प्राथमिकी भी लिख लीन गे हवै। पोस्टमार्टम के रिपोर्ट आवे के बाद तहसीलदार आगे के कारवाही करिहैं।
अंतिम का बाप मानसिंह बताइस कि जबै बहुतै तेज बिजली गर्जत रहै तबै मोर लड़का पेशाब करै गा रहै तौ वहिके ऊपर बिजली गिर गें हवै। तौ तुरतै वहिके मउत होइगे हवै। चाचा सुल्तान सिंह का कहब हवै कि जबै वहिके ऊपर बिजली गिरी हवै तौ वहिके हाथ जल गें हवै अउर गोड़ मा लाग गा रहै। डाक्टर के लगे लइ गये हन, तौ डाक्टर बताइस कि वहिके मउत होइगे हवै। घटना के तुरतै बाद लेखपाल, कानूनगो अउर एसडीएम आये हवैं। हम पोस्टमार्टम करावे का तैयार नहीं रहै, तबै एसडीएम कहीं कि यहिके बिना कउनौ कारवाही पूर न होइ। तबै हम पोस्टमार्टम करावे का तैयार होइ गये हन।

रिपोर्टर- सुनीता देवी

Published on Feb 15, 2018