आइए मिलते हैं फैजाबाद में हुए दंगल में दंगल गर्ल्स अंजलि और शिवांगी से

जिला फैजाबाद, ब्लाक मया आप आदमी कै दंगल देखे होइहें पर एहि बार हम मौजूद हई मेहरारून के दंगल के मैदान मा, जहाँ गोरखपुर कै शिवांगी अउर लखनऊ कै वंदना आमने सामने रहिन। मौका रहा वार्षिक दंगल कै जवन हर साल फैजाबाद जिला के गोशाईगंज मा आयोजित कीन जाथै। येहि दंगल मा अलग अलग जिला से मनई कुस्ती लड़े आवाथिन।लकिन एहि साल कै दंगल महिला खिलाड़ी कि वजह से खास रहा।
गोरखपुर कै दंगल खिलाड़ी शिवांगी कै कहब बाय कि हमरे साथ छह सात लड़की अहैं। हम उनके सबका प्रेक्टिस कराईथी। गाँव मा ही हमार गुरु अहैं। स्टेट नेशनल हर जगह खेल चुकी हई अबहीं तक लगभग सत्तर मेडल मिल चुका बाय। पहिले हमरे घर वाले नाय पसंद करत रहे लकिन जब हर जगह से मेडल जीत के आई थी तौ सब मानाथिन।
अंजलि लखनऊ दंगल खिलाड़ी कहब बाय कि सब आगे बढ़े जेतना बढ़िया काम करिहैं वतनै आगे जैहै।
दंगल कै आयोजक हनुमान प्रसाद सोनी कै कहब बाय कि कुस्ती हम सबके सहयोग से करवाई थी। समिति के मनई कै सहयोग रहाथै। हम सोची थी कि बिटियैय पहलवान बनै अउर पहलवानी करै। हम ई नाय सोचित कि पुरानी परंपरा का नई जगह लागू कीन जाय।
सूरजभान सिंह समाज सेवी कै कहब बाय कि 15 जनवरी से 20 जनवरी के बीच दंगल कै डेट रखी जाथै।दंगल मा युवा के माध्यम से सामाजिक कुरीतियों का दूर करै नशा मुक्ति पै रोक लगाय के स्वस्थ रहै के ताई एहि कार्यकर्म कै आयोजन कीन जाथै। जेसे जनता एकै लाभ उठावै अउर एक सूत्र मा बंधी के रहै। दंगल आयोजन कै अबकी बार तीसरा साल रहा।
हर क्षेत्र मा हमार बिटिया आगे अहैं तौ दंगल मा भी आगे आवै का चाही। मेहरारून का बढ़ चढ़ के आगे आवै का चाही।

रिपोर्टर- संगीता

Published on Feb 1, 2017