खबर लहरिया अम्बेडकर नगर अम्बेडकरनगर जिले के भीटी में बिजली विभाग की लापरवाही से छह घर और गेहूं की फसल हुई बर्बाद

अम्बेडकरनगर जिले के भीटी में बिजली विभाग की लापरवाही से छह घर और गेहूं की फसल हुई बर्बाद

जिला अम्बेडकर नगर, ब्लाक भीटी, गांव बड़ा उधरना कहा जाथै जब वादा बनावा जाथै वका निभाऊब हमार फर्ज आय। पर सरकार अब तक ई बात नाय अपनाइस। अम्बेडकर नगर के उधरना गांव मा 27 अप्रैल का ट्रांसफार्मर के शार्ट शर्किट से आगि लागगए। छह घर पूरी तरह नष्ट होइगा। आग के वजह से तबाही मचिगे। अउर कइयो मनई कै भी जरिके राख होइगै।
बिजली विभाग की लापरवाही से आज कइयो मनई का नुकसान पहुंचत बाय। महीना भर बीत जाय के बावजूद अब तक आग से पीड़ित मनई का मुआवजा नाय मिला।
अशोक दूबे गांव बड़ा उधरना कै कहब बाय कि ट्रासफार्मर पहिले से लाग रहा तब हमरे सबकै घर बना। हमरे सब आपत्ति भी जतायन। लड़ाई हाईकोर्ट तक पहुंची बाय।
पूरा गांव मिलके तीन बार तहसील दिवस मा अप्लीकेशन दिहन। लकिन बिजली बिभाग वाले कउनौ कार्यवाही नाय करिन। उल्टा हमरे सबके खिलाफ एफ आई आर दर्ज कराय दिहिन।
सदानन्द दूबे कै कहब बाय कि 27 अप्रैल का तेज आंधी आवै से तार आपस मा टकराय से चिनगारी निकरी अउर आगि लागगए। पूरा सामन अउर घर जरिगा कुछ नाय बचा।
गीता देवी कै कहब बाय कि अरहर काट के धरी रही उहौ जरिगे। घर के विस्तर तक नाय बचा। जवन बाहर कै मनई दिहिन उहै खात हई।एक महीना बीत गा अबहीं तक मुआवजा नाय मिला।
घर मा अनाज न हुवै से खाय कै लाला परा बाय। अशोक दूबे कै कहब कि हर बिभाग से अधिकारी आय रहे सबका आवेदन भी दिहन लकिन कउनौ कार्यवाही नाय भए।मुख्यमंत्री से आनलाइन कम्प्लेन करे हई।
भीटी तहसील क्षेत्र कै एस डी एम राजमुनी यादव कै कहब बाय की घटना कै जानकारी नाय रही। एस डी ओ विद्युत विभाग द्वारा जानकारी मिली बाय कि जवन उनकै इलेक्ट्रिक स्पेक्टर अहैं वै रिपोर्ट लगाय देहे अहैं कि आग बिजली के शार्ट शर्किट से नाय लाग। अब हम जांच कराउब की यतना समय बीत जाय के बाद मुआवजा काहे नाय मिला।
विवेक दूबे गांव बड़ा उधरना कै कहब बाय की हम सोचत रहेन की भाजपा कै सरकार आये तौ कुछ बदलाव आये। चुनाव से पहिले बहुत बड़ा बड़ा वादा करत रहे लकिन अब मनई कै समस्या नाय सुनी जात बाय। इनसे बढ़िया तौ अखिलेश कै सरकार रही कमसे कम मुआवजा तौ मिलत रहा।

रिपोर्टर- मनीषा

07/06/2017 को प्रकाशित