फोटो खिचबईत महिला
जिला सीतामढ़ी, प्रखण्ड सोनबरसा, के बीसों पंचायत में राशन कार्ड के काम जोड़-सोर से चल रहल हई। जेइमे इन्दरवा पंचायत भवन में 20 मार्च 2014 से प्रत्येक घर के महिला मुखिया के खिचा रहल हई। ऐईसने काम जयनगर पंचायत में भी भेलई।
फोटो खिचावे वाला लोग दुलारी देवी, कैलसिया देवी शांति देवी सब कहलथिन कि हमरा सबके जनगणना मे बहुत गलती होयल रहई। ओकरा सुधार के लेल आवेदन भरके विकास मित्र अउर कचहरी सचिव के पास जमा कइली, ओकरा बाद कोई पत्ता न चललई कि सुधार भेलई कि न भलई। अब इ फोटो कैला खिचाई छई, एकर सही जानकारी हमरा सबके न हई।
जयनगर पंचायत के मुखिया किरण देवी के पति विनोद राय अउर इंदरवा पंचायत के मुखिया कारो देवी पति अयोधी पासवान कहलथिन कि इ फोटो राशन कार्ड बने के लेल खिचा रहल हई। जेइमे लाल कार्ड धारी बी. पी. एल. परिवार के फोटो खिचाई छई। जेकर अट्ठारह साल से कम उम्र हई, उनका लाभ न मिलतई। जेकर उम्र पुरा हो गेल हई उनका तीन किलो चावल दु किलो गेहूँ मिलतई। जेकरा पीला कार्ड हई, उनका फोटो न खिचाई छई। अचार संगीता लागू होयें से पहिले से इ काम पुरे प्रखण्ड में चल रहल हई अउर वोट तक ई काम चलतई।