खबर लहरिया औरतें काम पर अबै नहीं आवत बढ़ा वेतन

अबै नहीं आवत बढ़ा वेतन

वेतन के करत मांग

वेतन के करत मांग

जिला चित्रकूट, ब्लाक कर्वी। हिंया तहसील मा 29 जनवरी 2014 का मानिकपुर अउर पहाड़ी के आशा बहू आपन आपन समस्या का लइके कर्वी एस.डी.एम संजीव सिंह का लिखित दरखास दिहिन हवैं।
अर्जुनपुर गांव के आशा बहू निर्मला पाण्डेय, पचोखर गांव के रानी, मानिकपुर के वन्दना का कहब हवै कि लखनऊ से बढ़े वेतन का लिखित आ गे हवै, पै हिंया के अधिकारी सुनवाई नहीं करत आहीं। साथै 2013 दिसम्बर माह के डिलेवरी का रूपिया भी नहीं दीन गा हवै। इनतान के मेहनत करैं के बाद हमका कउनौ फायदा नहीं हवै। एकौ रूपिया न मिलै से हमार समस्या अउर बढ़त जात हवै। यहै से हम मिल के अधिकारी का दरखास दें आय हन।
कर्वी एस.डी.एम संजीव सिंह का कहब हवै-“ अबै लिखित वेतन नहीं आई आय। यहिके खातिर मानिकपुर डाक्टर से बात करिहौं।”
मानिकपुर सामुदायिक स्वास्थ्य केन्द्र के अधीक्षक विनय कुमार का कहब हवै कि लखनऊ से बढ़ा वेतन का लिखित नहीं आवा आय। टीकाकरण अउर सबै रूपिया दइ दीन गा हवै ।