खबर लहरिया औरतें काम पर अबै तक कारवाही नहीं भे

अबै तक कारवाही नहीं भे

जिला चित्रकूट, ब्लाक पहाड़ी, गांव सालिकपुर, पुरवा पटना। हिंया के नीतू कहिस कि वहिकर मनसवा जगतपाल पांच साल से खाना खर्चा नहीं देत हवै। ऊपर से मारपीट करत हवै। यहिके सूचना राजापुर थाना मा 31 मार्च 2015 का दीन गे, पै अबै तक कारवाही नहीं भे।
नीतू का कहब हवै कि शादी लगभग आठ साल पहिले जगतपाल साथै भे रहै। मनसवा जुआं खेलत हवै। घर मा खर्चा खातिर एकौ रुपिया नहीं देत हवै। या कारन मैं अउर मोर बच्चन का भूंखे रहै का परत हवै। यहै से वहिसे परेशान होइगे रहौं। पांच साल से अलग कमरा मा अपने चार बच्चन के साथ रहत हौं। वहिके खिलाफ थाना मा सूचना दें के बादो कउनौ सुनवाई नहीं भे भे आय। ससुर रमाशंकर का आरोप हवै कि नीतू अलग रहैं चाहत हवैं पै लड़का हमसे अलग होय का तैयार नहीं आय। यहै बात का लइके उंई दूनौ औरत मनसवा के लड़ाई हवै। मोहिका यहिके बारे मा कउनौ पता नहीं आय। मैं सोचत हौ कि उंई आपस मा मिल के साथै रहैं। राजापुर थाना के दरोगा राकेश कुमार मिश्रा कहिन कि पुरवा मा 6 अप्रैल का जा के जांच कीन जई। जांच के बाद जगतपाल के खिलाफ धारा लागी अउर कारवाही भी होइ।