खबर लहरिया चित्रकूट अध्यापकों के बीच अनबन, भुगतना भर रहे बच्चे, चित्रकूट जिले के अतरी प्राथमिक स्कूल में

अध्यापकों के बीच अनबन, भुगतना भर रहे बच्चे, चित्रकूट जिले के अतरी प्राथमिक स्कूल में

जिला चित्रकूट, ब्लाक मऊ, गांव अतरी। हिंया के प्राथमिक विद्यालय मा बच्चन के भविष्य से खिलवाड़ कीन जात हवै। काहे से हिंया के मास्टर आपस मा लडाई झगड़ा करत हवैं। जेहिसे बच्चन के पढ़ाई नहीं होइ पावत आय। या समस्या के बारे मा बेसिक शिाक्षा अधिकारी आनन्द प्रकाश शर्मा का कहब है कि, जांच के रिपोर्ट आवै के बाद कारवाही कीन जई।
मास्टर अवध नारायण सिंह का कहब हवै कि, मास्टर के आपसी विवाद के कारन बच्चन के पढ़ाई नहीं होइ पावत आए यहै कारन उंई मास्टरन का स्कूल से हटा दिहिन हवैं।
मास्टर शिवमणि कहब हवै कि, मास्टर नहीं आवत तौं बच्चन के पढाई नहीं होई पावत आय स्कूल मा चार मास्टर हवैं। पै मास्टर अरूण बस बच्चन का पढावत है और सुनीता मैडम कत्तो समय से स्कूल नहीं आवत आहीं। स्कूल के बच्चा साधना और संजना का कहब हवै कि, सुनीता मैडम खाना मा जहर मिलावै का कहत रहै।
स्कूल के मास्टर आपस मा बात करत रहत हवैं, पढ़ावत नहीं आय मास्टर अरूण बस पढ़ावत हवैं। बच्चन के महतारी बाप राजवती अउर धरमदास का कहब हवै कि, स्कूल मा पढाई नहीं होत आय। मास्टर आपस मा लड़त रहत हवै। यहिसे हमार बच्चन का भविष्य खतरा मा हवै।
बाई लाइन-नाजनी रिजवी 

18/09/2017 को प्रकाशित