खबर लहरिया फैजाबाद अधूरी सड़क से गांव वाले नाराज

अधूरी सड़क से गांव वाले नाराज

kasba final 2 copyजिला अम्बेडकर नगर, ब्लाक कटेहरी, गांव लोहराबरामदपुर। हिंआ कै मनई 30 मई का सड़क निर्माण के ताई नाराज होइके सड़क निर्माण पूरा करावै कै मांग करिन।
गांव कै मनई रमेश पटेल, संतराम रामअंजोर, विवेक बब्लू सभाजी वर्मा ग्राम प्रधान रामचरन कै कहब बाय कि पहितीपुर से कटरिया जाए वाली सड़क बारह किलोमीटर आठ साल पहिले साठ जाख रुपया के लागत से बनीं रहे। जबकि कादीपुर से अकबरपुर आवै जाए के ताई एक रोडवेज बस भी हर रोज यही सड़क से आवत जाथै। सड़क पै गिट्टी विछायके छोड़ि दिया गै बाय। ठेकेदार अउर जेई पैसा निकाल चुका हइन। पूरा गांव कै मनई 20 दिन तक सड़क निमार्ण पूरा हुवय के ताई धरना पै बैठा रहिन। अधिकारी आश्वासन दइके बैठाय देहे रहिन। ठेकेदार से काम शुरु करायगै डेढ़ किलोमीटर बनै के बाद फिर काम बन्द होइगै। यकै शिकायत अधिकारिन अउर विधायक से कीनगै। केहू ध्यान नाय दियत बाय।
ग्राम प्रधान रामचरन बताइन कि नाराज होइके सड़क कै गिट्टी लादिके लै जाएकै अधिशाषी अभियंता के कार्यालय के सामने रख दिहेन सब गांव वाले धरना पै बैठ गइन। ठेकेदार लिटिल सिंह बताइन कि सामान सब पहुंचाय दीनगा बाय। काम शुरु होय जाये।
पी.डब्लू.डी. विभाग कै सहायक अभियंता अजीत यादव बताइन कि ठेकेदार काम नाय करावाथिन। यकै सिक्योरिटी कै पैसा जब्त करै कै कार्यवाही विभाग के प्रक्रिया मा बाय। दुबारा टेंडर पास करायके सड़क कै काम कराय जाये।