हैण्डपम्प ऊंचाई मा करै के मांग

kasba se handpamp 1

जिला बांदा, ब्लाक अउर कस्बा नरैनी। हेंया के मोहल्ला राजनगर, किदवई नगर अउर देविननगर के तेरह हैण्डपम्प इनतान हंै जिनके गहराई मेन सड़क से लगभग चार फुट तरे है। यहिसे उंई हैण्डपम्पन मा मड़इन का पानी भरैं मा मुश्किल परत है। यहिसे उंई सबै मोहल्ला के सभासद मिल के नरैनी तहसील मा दरखास दिहिन हैं।
वार्ड नम्बर सात का सभासद हसीना बानो, दस का सभासद ज्ञानेन्द्र कुमार, एक का सभासद राम बहोरी अउर तीन का सभासद सुरेश कहिन कि हमरे मोहल्लन के मेन रोड वाली रास्ता ऊंच होइगे है। यहिसे सबै हैण्डपम्प चार फुट के गहराई मा है। या समय तौ गर्मी का मौसम है। उंई हैण्डपम्पन से पानी लेब बहुतै मुश्किल है। यहिके खातिर हम कइयौ दरकी जल संस्थान का दरखास दीन है, पै आज तक हैण्डपम्पन के ऊंचाई नहीं कराई गे आय। जेहिसे हजारन मड़ई पानी खातिर परेशान हैं।
नरैनी जल संस्थान के जेई नगेन्द्र नाथ शर्मा कहिन कि उंई हैण्डपम्पन के जांच कइके शासन का भेज दीन गा है। जबै बजट अई तबै बनवा दीन जई। या फिर नगर पंचायत यहिके खातिर रूपिया दे तौ बनवा दीन जाय।