हवाई जहाज़ बनाने वाले तिंदवारी के नारद ने छोड़ दिया बाँदा

जिला बांदा, ब्लाक तिंदवारी का रहने वाला नारद का सपना अधूरा रहिगा।
काहे से कि व अपने से हवाई जहाज बनाइस रहै वहिका हवाई जहाज का ऊपर उड़ै मा पुलिस रोक लगा दिहिस यहिसे वहिकर दिमाग ख़राब होइगा अउर व आपन घर छोड़ के मुंबई चला गा है।
नारद के बहिनी सुनीता का कहब है कि मोर भाई नारद हवाई जहाज बनाइस रहै । वा हवाई जहाज मा बइठ के ऊपर उडान भरिस तौ वहिके सूचना पुलिस का होइगे । यहिसे पुलिस आ गे अउर हवाई जहाज उड़ावै खातिर मना कई दिहिस कहिस की अगर अब हवाई जहाज उडी तौ तोहिका जेल मा बंद कई दीन जई । यहिसे वा परेशान होइगा कि मोर मेहनत मा पानी फेर गा है । तबै से वा चुप चुप रहत रहै अउर तबिहने से वहिकर दिमाग ख़राब होइगा अउर घर से चला गा है।
नारद के महतारी सुखरनिया का कहब ही कि वहिका मन रहै तौ चला गा है । अगर पुलिस हवाई जहाज उड़ावे मा न रोक लगावत तौ वा घर मा जरूर रहत वहिके जहाज का सामान परा है।
गाँव के लोगन का कहब है कि पुलिस वहिका हवाई जहाज खोलवा के धरा दिहिस है। यहिसे वहिकर दिमाग काम नहीं करत है अगर वहिका रुपिया मिली तौ वा जरूर दूसर हवाई जहाज बनाई । नारद बहुतै दिमाग का तेज लड़का है ।
वा हमरे गांव का नाम रोशन करिस है। अगर पुलिस साथ देत तौ वा जरूर आपन अउर महतारी बाप का नाम रोशन करत। यहिके खातिर सरकार का सोचै के जरूरत है ।
22/07/2016 को प्रकाशित

मेहनत के काम की कदर नहीं होती
हवाई जहाज़ बनाने वाले तिंदवारी के नारद ने छोड़ दिया बाँदा