हर महीना नहीं मिलै मानदेय

k mahela aganvadi-ramngrजिला चित्रकूट, ब्लाक रामनगर, कस्बा रामनगर। हिंया के आंगनबाड़ी कार्यकर्ता सुशीला देवी अउर सहायिका बृजरानी का तीन महीना से मानदेय नहीं मिला हवै। यहिके खातिर 25 सितंबर का सुपरवाइजर पुष्पा देवी कहा गा। वा भरोसा दिहिस हवै कि मानदेय जल्दी आ जई।
आंगनबाड़ी कार्यकर्ता सुशीला देवी अउर सहायिका बृजरानी कुछ इनतान बतावत हवै कि केन्द्र मा बच्चन के देख भाल करै मा पूर दिन लाग जात हवै। सुबेरे से केन्द्र खोलित हन अउर एक बजे बंद होत हवै। या कारन से अउर कउनौ दूसर काम नहीं कइ सकित हन। हमार येत्ती मेहनत करै के बादौ मानदेय समय से हर महीना नहीं मिलत आय। यहिसे खर्चा खातिर समस्या उठावै का परत हवै। अगर सरकार हर महीना हमार मानदेय भेजै तौ हमका कउनौ समस्या से न जूझै का परै।
रामनगर सुपरवाइजर पुष्पा देवी का कहब हवै सरकार के लगे लिखित भेज दीन गे हवै। पन्द्रह दिन के भीतर उनकर मानदेय आ जई।