हर महीना नहीं मिलत रशीद

Exif_JPEG_420

जिला चित्रकूट, ब्लाक मऊ, कस्बा मुरका। हिंया के मड़इन का आरोप हवै कि बिजली विभाग वाले बिजली के बिल के रशीद हर महीना नहीं देत हवैं। यहिसे उनका समस्यन का सामना करै का परत हवै। यहिके खातिर बिजली विभाग मा 15 जनवरी का कहा गा, पै कउनौ सुनवाई नहीं कीन गे आय।
हिंया के शिवबाबू, प्रेमबाबू अउर रामबाबू का कहब हवै कि मऊ बिजली विभाग से हर महीना बिल आवत हवै। हम हर महीना बिजली का बिल भी जमा करित हन,पै बिजली विभाग वाले बिल जमा करै के रशीद नहीं देत आय। या कारन से कुछौ पता नहीं चलत आय कि केत्ता बिल एक महीना मा आवत हवै। या महीना मा आठ महीना का बिजली का बिल आवा हवै। येत्ता बिजली का बिल कसत भरबे। हम गरीब मड़इन का सरकार अउर ऊपर से मारै मा लाग रहत हवै।
मऊ बिजली विभाग के जेई शैलेन्द्र कुमार मौर्य का कहब हवै कि मड़ई यहिनतान कहत हवै। जबैकि हर महीना बिजली के बिल के रशीद भेज दीन जात हवै। हर महीना बिल न जमा करिहैं तौ कउन बात के रशीद दीन जा सकत हवै।