हर महिला की शान और हर प्रधान के लिए मिसाल है चित्रकूट के सेमरिया की महिला प्रधान दिव्या

प्रधानन खातिर मिसाल बनी हवै चित्रकूट जिला गांव सेमरिया के मेहरिया प्रधान दिव्या। वहिके अच्छे काम खातिर वहिका उत्तर प्रदेश के सरकार लक्ष्मी बाई पुरुस्कार दिहिस हवै।
दिव्या प्रधान का कहब हवै कि प्रधान बने के बाद नाली  का काम कराये हौं।तीन सौ छब्बीस शौचालय अउर छत्तीस कलोनी का काम करायें हौं। गांव के प्राइमरी स्कूल का इंग्लिस मीडियम करवा दीने हौं अउर जूनियर स्कूल कक्षा दस तक होइगा हवै। नशा मुक्ति के काम खातिर बच्चा अउर मेहरियन का माध्यम बनाये हौं। नशा मुक्ति खातिर बहुतै बड़ी रैली निकाली गें हवै, जेहिमा गांव के सबै मेहरिया साथ दिहिन हवैं। गांव मा अबै पानी के समस्या हवै, यहिके खातिर रिबोर कराइहौं अ उर पाइपलाइन से पानी के व्यवस्था कीन जई।
प्रधानपति सन्तोष कुमार त्रिपाठी का कहब हवै कि जउन काम मनसवा नहीं कई पावत आहीं वा काम मेहरिया कई देखावत हवै। यहै कारन मैं आपन मेहरिया का बाहर निकल के काम करे दीने हौं।
चन्द्रकमल का कहना है कि हमार प्रधान बढ़िया काम करत हवै अउर सब के साथै नींक व्यवहार करत हवै। रामकली कला कहब हवै कि दिव्या प्रधान सबै प्रधान से नींक काम करत हवै। नन्द किशोर बताइस कि या समय नाली, शौचालय अउर सड़क का काम बहुतै नींक चलत हवै।

रिपोर्टर- नाजनी रिजवी

Published on Apr 2, 2018