हर गाँव को बिजली देने का वादा हो रहा है अधूरा बांदा जिले में

योगी सरकार 24 घंटा बिजली दे का वादा करिस रहै, पै आज भी प्रदेश के कइयौ गांवन मा बिजली नहीं आय। यहिनतान बांदा जिला के नरैनी ब्लाक के गांव पुरैनिया लालपुर का हाल है। हेंया के मड़ई कइयौ दरकी बिजली विभाग मा दरखास दिहिन है पै गांव मा आज तक बिजली नहीं आयी आय।
रामदीन का कहब है कि बिजली के कारन हमार बच्चा पढ़ नहीं पावत आहीं अउर बिना बिजली के सिंचाई बहुतै मंहगी पड़त है काहे से हमें येत्ता मंहगा डीजल खरीद के सिंचाई करै का पड़त है। बिजली के समस्या खातिर हम चुनाव बहिष्कार भी करे हन, पै तबहूं बिजली नहीं लाग आय। बेटालाल का कहब है कि कइयौ साल से बिजली के मांग करित आय। क्षेत्रपंचायत सदस्य अटल बिहारी पटेल का कहब है कि हम सात आठ साल से बिजली खातिर परेशान हन। बिजली न होय से हम अंधेरे मा जीवन जियें का मजबूर हन। दुई-तीन महीना पहिले राजीव गांधी परियोजना के तहत सर्वे कीन गा रहै। रामकेश पटेल का कहब है कि बच्चन के पढ़ाई का बहुतै नुकसान होत है विभाग वाले आश्वासन बस दई देत है। राजकुमार का कहब है कि बत्तीस-तेतीस साल से देखत होइगें बिजली के या समस्या का देखत, पै अबै तक बिजली नहीं आयी आय।
अतर्रा बिजली विभाग के उपखंडके एसटीओ का कहब है कि बिजली का बजट पास नहीं आय यहै कारन हुंवा बिजली का काम शुरू नहीं कीन गा आय। बजट आवै मा काम शुरू कीन जई।  

रिपोर्टर- गीता देवी

Published on Mar 23, 2018