हत्या कै दर्ज भै रिपोर्ट

05-08-15 Ambedkar Nagar - Ahirauli Thana webजिला फैजाबाद अउर अम्बेडकर नगर। हिंआ अलग-अलग गंाव मा 31 जुलाई का मेहरारु कै शव फंदा से लटका मिला। मायके वाले दहेज हत्या कै आरोप लगाइन।

भीटी ब्लाक के ग्रामसभा शाहपुर के मनियारी पट्टी बढ़ैया गंाव मा सविता नाम कै मेहरारू फांसी लगाय लिहिन। सविता कै भाई संतोष कुमार बताइन कि दुई साल पहिले अपने बहिन कै शादी करे रहेन तबसे दुई लाख रूपया अउर गाड़ी कै मांग करत रहिन। हमरे सब दहेज नाय दै पायन तौ हमरे बहिन का मार दिहिन।

पति हृदयनरायण मिश्रा कै घरवाले बताइन कि केहू का कुछ पता नाय रहा। न केहूं दहेज मांगिस। उनकै पति भी घरे नाय रहिन। सुबह देखागै तौ बेड के ऊपर लाश लटकी मिली।

अहिरौली थाना कै थानाध्यक्ष राजेश यादव बताइन कि लड़की के भाई के तहरीर पै तीन जने के ऊपर 302 (हत्या) कै मुकदमा दर्ज भै बाय। उनके पास एक लेटर मिला बाय लकिन दहेज कै कउनौ जिक्र नाय भै बाय।

मया ब्लाक ग्रामसभा टंडौली मा 31 जुलाई का दिनेश पासी कै मेहरारू ललिता फांसी लगाय लिहिन। तीन महीना भै शादी भये। आसपास के मनईन कै कहब बाय कि पता नाय कउने कारण से घर मा नरियर के रसरी से गटई कसिके फांसी लगाय लिहिन। सुबह पता चला।

प्रधान जगन्नाथ गुप्ता बताइन कि थाना का सूचित कै गै रहा। मायके वालेन का बुलाय गै रहा। कउनौ कार्यवाही नाय करिन तौ पंचनामा कइके अन्तिम संस्कार कै दिहिन।
गोशाईगंज थाना कै एस.ओ. नारेन्द्र सिंह बताइन कि मायके पक्ष से तहरीर नाय मिली यसे कउनौ कार्यवाही नाय कीन गै।