हत्या के नामजद लिखी गे रपट

जिला बांदा, कस्बा बबेरू, मोहल्ला देवी नगर। हेंया के छेदनी का आरोप है कि मोरे पति रामसजीवन का चाकू मार के हत्या कई दीन गे है। यहिके रपट बबेरू कोतवाली मा लिखी गे है।
छेदनी के लड़की सरोज बतावत है कि मोरे बाप के नाम चालिस बिगहा जमीन अउर चार लाख रूपिया नगद रहैं। यहिसे उर्मिला नाम के मेहरिया जमीन अउर रूपिया के लालच मा मोरे बाप से दोस्ती कई लिहिस। या दोस्ती हमरे बाप के मउत का कारन बन गे। 16 दिसंबर 2014 का उर्मिला का दामाद अजय मोरे बाप रामसजीवन का मार डारिस।
उर्मिला कहत है कि राम सजीवन दारू के नशा मा खुदै आत्महत्या करिस है। मोरे दामाद के ऊपर झूठ आरोप लगावा जात है।
बबेरू कोतवाली प्रभारी अभिमन्यु सिंह यादव कहत हैं कि अजय के खिलाफ मुकदमा लिख गा है। मुकदमा मा हत्या के धारा 302 लाग है। अजय फरार है। पुलिस अजय का ढूझ़त है।
खबर लिखें जाय तक अजय फरार रहै।