स्वच्छ भारत अभियान को सफल बनाने के लिए बांदा जिले में हो रही है लीपापोती

जिला बांदा, ब्लाक बड़ोखर खुर्द, गांव चटगन सरकार स्वच्छ भारत मिशन योजना के तहत 2019 तक ग्यारह करोड़ शौचालय बनावै का लक्ष्य रखिस है जेहिमा से २०१५ मा उनचास लाख शौचालय बन गें हैं। 2016  मा शौचालय का काम बहुतै धीरे धीरे चला है यहै कारन सरकार 2017  अउर 2018  मा दुई दुई करोड़
शौचालय बनावै का कहिन हैं। चटगन गांव  मा अबै तक कुल दुई सौ तिरपन शौचालय बनें हैं जेहिमा से दुई सौ आठ शौचालय राममनोहर लोहिया समग्र गांव कइत से बने हैं ।स्वच्छ भारत योजना कइत पैंतालिस शौचालय बने हैं जेहिमा पांच लाख चालिस हजार का खर्चा आवा है।चटगन गांव का ओ.ड़ी.एफ घोषित कइ दीन गा है पै या गांव मा शौच खातिर अबै भी मड़ई बाहर जात हैं बांदा के डी .पी. आर.ओ.कृष्ण कुमार सिंह चौहान का कहब है कि शौचालय टूट-फूट बने हैं तौ उनके मरम्मत करा दीन जई।
रमेश का कहब है कि प्रशासन चाहे ओ.डी.एफ.घोषित कइ दे पै सच्चाई या है कि हेंया अबै भी पचहत्तर प्रतिशत मड़ई शौच खातिर बाहर जात हैं।
मदन बताइस कि हेंया पानी के बहुतै समस्या है दुई  किलोमीटर दूरी से पानी लावे का पड़त है गुड्डू बताइस कि प्रधान शौचालय दे मा नौ नौ सौ रुपिया घूस मांगत है।प्रधान प्रतिनिधि  अवतार का कहब है कि गांव का ओ.डी.एफ घोषित कइ दीन गा है पै मड़ई भी शौच खातिर बाहर जात हैं।

बाईलाइन-मीरा देवी

29/09/2017 को प्रकाशित