स्वच्छता अभियान यहां तो नहीं पहुंचा, महोबा जिला जैतपुर में अधिकारी ने खड़े कर दिए हाथ #ModiGovt3Years

जिला महोबा, ब्लाक जैतपुर जिते स्वच्छ भारत के नारे पूरे देश में सुन रए उतई महोबा जिला के जैतपुर क़स्बा में आदमी गंदगी में सड़ रए। उनके क़स्बा में महिनन से सफाई कर्मचारी गायब हे। जीसे जगह जगह कूड़ा के डेर लग गए।
गंदगी के मारे आदमियन के नाले भी भर गये। मच्छर होबे से आदमी बीमार भी हो रए। अधकारी से भी केऊ बार पूछबे पे बदलाव नइ आओ।
पंकज ने बताई के न कूड़ादान हे न कछू हे घर को कूड़ा कचरा पहाड़ पे फेकबे जात अगर कोऊ के दुआरे फेकत तो लड़ाई होत गाली मिलती। हमाय ते न कितऊ नाली बनी। नाली बनाबे के लाने देख जात पास कर जात फिर लौट के आत ही नइया सब अपने अपने दुआरे की खुद सफाई करत। बकाया एसो ही डरो रत। प्रधान से कत सो प्रधान कत के हओ हओ करवा देहे।
जा मुसीबत के बारे में हम और जानकारी करबे के लाने अमर सिंह तोमर के पास पहुचे।
अमर सिंह तोमर सहतक विकास अधिकारी ने बताई के जैतपुर कस्बा के लाने दो सफाई कर्मचारी हे एक एक दिन जात हर मुहल्ला में और आदमियन को खुद अपने आप से भी सफाई रखने चाहिए।
जब आदमियन के पास कूड़ा रखबे के लाने सुविधा ही नइया का जिम्मेदारी निभाबे आदमी। अगर अधकारी भी जोई बोल हे तो किते जेहे गांव के आदमी।

रिपोर्टर- श्यामकली

26/05/2017 को प्रकाशित