स्कूल के हाल बेहाल

जिला बाँदा ,ब्लाक नरैनी,के तीन गांवन  मा स्कूलन के समस्या है। या समस्या खबर लहरिया पत्रकार गांवन के स्कूलन मा देखिन हैं। कतौ स्कूलन मा खुदै मास्टर के कमी कतौ बाउन्ड्री निहाय तौ कतौ स्कूल बन्द परा है।

5 FIINALगावं रंजीतपुर। हेंया के पूर्व माध्यमिक विद्यालय का हेड मास्टर नशीर मोहम्मद बताइस कि हमरे हेंया का पूर्व माध्यमिक विद्यालय अउर प्राथमिक विद्यालय मा लगभग दस साल से आस-पास चलत हैं। पूर्व माध्यमिक विद्यालय मा संतावन बच्चा अउर प्राथमिक मा एक सौ बत्तीस बच्चा हैं। इं दूनौ स्कूल एक-एक इंचार्ज मास्टर के सहारे चलत हैं। कतौ हमार दूनौ मास्टरन के ड्यिूटी प्रशिक्षण मा लाग जात है। जेहिसे दूनौ स्कूल एक शिक्षा मित्र श्वेता पाण्डेय के सहारे चलत है।
यहैतान कल्याणपुर गांव के खाना बनावै वाली विशावती बताइस कि हमरे हेंया पूर्व माध्यमिक अउर प्राथमिक स्कूल मा बाउन्ड्री निहाय। जेहिसे स्कूल के किचन मा बच्चा टट्टी कई जात हैं। जबै खाना बनावैं आवत हैं तौ पहिले टट्टी फेकैं का परत है।
प्रधान सुरेन्द्र कहत है कि हर दरकी स्कूल के बाउन्ड्री खातिर लिख के भेजा जात है। अब बाउन्ड्री बनै वाली है।
यहैतान बघोलन गांव का लालाराम अउर कल्लू कहत है कि हमारे हेंया का प्राथमिक विद्यालय कतौ नहीं खुलत आय। जेहिसे गांव मा स्कूल होंय के बाद भी बच्चन का भविष्य खराब होत है। जिला बेसिक शिक्षा अधिकारी संदीप चैधरी का कहब है कि मोर जानकारी मा कउनौ स्कूल बन्द निहाय। इनतान है तौ जांच कइके कारवाही कीन जई जउन स्कूलन मा बाउन्ड्री निहाय होंआ मार्च 2013 तक का पूरा बजट भेज दीन गा है।