स्कूल के कमरा कै अधूरा निर्माण

f gonv fainal photo 2जिला अम्बेडकर नगर, ब्लाक कटेहरी. प्राथमिक विद्यालय आतमपुर बजदहा। यहि स्कूल मा सिर्फ दुई कमरा बाय। क्लास पांच तक चलाथै। अतिरिक्त कक्ष के कमरा कै निमार्ण लगभग आठ साल से अधूरा बाय।
प्रधानाध्यापक शिवम कुमार सिंह बताइन कि एक कमरा मा कक्षा पांच कै बच्चन रहाथिन। दुसरे कमरा मा तीन अउर चार कै गेदहरै बैठाथिन। बरामदा मा एक अउर दुई कक्षा कै गेदहरै बैठाथिन। ई हाल स्कूल कै बाय। एक साथ अउर क्लास के गेदहरन का कैसे पढ़वै। यही सब दिक्कत से पता चजि जाथै कि प्राथमिक विद्यालय मा कितनी अच्छी सुविधा मिलाथै। एक कमरा मा पढ़वै तौ दुसरे मा गेदहरै शोर करैं। कवन मेर पढ़ाय जाये।
प्रधानाध्यापक कहिन कि लगभग सात-आठ साल होइगा अतिरिक्त कक्ष कै निर्माण भये। अबहीं तक सिर्फ कुर्सी ही बनीं बाय। जब निर्माण कै काम शुरू भै रहा तौ लीलावती प्रधानाध्यपिका रहिन। प्रधान का काम सौंप देहे रहिन। जेतना बजट सरकार के हिंआ से आय सब निकाल लीन गै बाय। डी.एम.के यहां से जांच भै। प्रधान के खिलाफ मुकदमा चलत बाय।