सेहतमंद मां और बच्चा – नहीं लाग टीका

जिला चित्रकूट, ब्लाक मानिकपुर, गांव हनुवा पुरवा बड़ेहार। हिंया के बेसनिया के पेट मा आठ महीना का बच्चा हवै। वहिका आरोप हवै कि ए.एन.एम.अउर आशा वहिके टीका नहीं लगावत आय। यहिके शिकायत वा सामुदायिक स्वास्थ्य केद्र मानिकपुर के अधीक्षक से सितम्बर महीना मा करिस।
बड़ेहार के बेसनिया का कहब हवै कि हम गदहा पाले का धन्धा करित हन। या हमार पुरखन का धन्धा आय। ए.एन.एम. अउर आशा हमसे छूत मानत हवंै। हिंया के अउर औरतन के वा टीका लगावत हवै, पै हमका नहीं छुवत हवै। कइयौ दरकी आशा सुदमिया के लगे गइंव तौ कहिस कि मानिकपुर से टीका लगवा के अवै मैं न लगइहौं। मोहिका डेर लागत हवै कि अगर टीका न लागी तौ मोर बच्चा आगे चलके कउनौ बीमारी से जकड़ न जाये। काहे कि कुछ साल पहिले मोरे जेठानी के टीका न लाग रहै तौ वहिका बच्चा विकलंाग पैदा भा रहै। आशा सुदमिया का कहब हवै कि बेसनिया कत्तौ घर मा नहीं मिलत हवै। यहै से मैं वहिका मानिकपुर अस्पताल मा टीका लगावै का कहे हौं। सामुदायिक स्वास्थ्य केद्र मानिकपुर के अधीक्षक प्रदीप कुमार का कहब हवै कि बेसनिया अबै तक अस्पताल नहीं आई आय। अगर शिकायत लइके अई तौ कारवाही कीन जई।